මාධ්‍ය විස්තාරණය

 යම් දෙයක් පිළිබද මාධ්‍ය වැඩි අවධානය යොමු කරයි නම් එය විස්තාරණය ලෙස හදුනාගත හැකිය. එය පුද්ගලයෙක් හෝ යම් සිද්ධියක් විය හැක. ඇතැම් කාලවලදී එවැනි සිදුවීම් මාධ්‍යයට ලැබෙයි ( සුනාමිය, පාස්කු බෝම්බ ප්‍රහාරය, විල්පත්තු වන විනාශය)  ජන සන්නිවේදන ක්‍රියාවලිය සරල ව පැහැදිලි කර ගැනීම සඳහා විවිධ ආකෘති ඉදිරිපත් වී ඇත. එම ආකෘති අධ්‍යයනය කිරීමෙන් තවදුරටත් ජන සන්නිවේදන ක්‍රියාවලිය පැහැදිලි කර ගත හැකි ය.

ජන සන්නිවේදනයේ ප්‍රයෝජන කිහිපයක් පහතින් දැක්වේ. මෙම කරුණු පුළුල් අර්ථයෙන් ගත යුතු ය.

1. ප්‍රජානනය (Cognition) /දැනුම ලබා ගැනීම

2. අපසරණය (Diversion)/ විකල්ප වෙත යොමු කිරීම

3. සමාජ උපයෝගීතාවය (Social Utility)

4. ආපසු ගැනීම් කිරීම/නිෂ්කර්ෂණය (Withdrawal) 

• ප්‍රජානනය යනූ දැනීමයිගනැතිනම් දැනුම ලබා ගැනීමයි

• අපසරණය යනු විකල්ප වෙත යොමු කිරීමයි.

 උපයෝගීතාවය යනු යම් භාණ්ඩයක් හෝ සේවාවක් පරිභෝජනය කිරීමෙන් ලබන සතුටයි. සමාජ උපයෝගීතාවය යනු පුද්ගලයෙකු සමාජය සමග ගැටී ජීවත්වන විට ලබන වින්දනය නැතිනම් අවබෝධයයි. සමාජානුයෝජනය මගින් සිදුවන්නේ ද එවැනි තත්ත්වයකි. ජනමාධ්‍ය මේ අවශ්‍යතා වෙනුවෙන් පෙනීසිටී. උදා - පවුලේ සාමාජිකයන් සහභාගිවන රූපවාහිණී වැඩසටහන් සංවිධානය කිරීම, මිතුරන් සමග රූපවාහිනී වැඩසටහනක් ගැන කතා කිරීම

 ආපසු ගැනීම/නිෂ්කර්ෂණය යනු පුද්ගලයන්ගෙන් හා කාර්යයන්ගෙන් ඉවත්ව සිටීමයි. එනම් පුරුද්දක් ලෙස කරන වැඩකටයුතු මග හැරවීමට මාධ්‍ය පියවර ගනී.  උදා - බස් රථයක ගමන් කරන විට හෝ ප්‍රසිද්ධ ස්ථානයක රැදී සිටින විට අප හුදකලා වීමටනම් පොතක් හෝ සගරාවක් කියවිය හැක. එසේම ජංගම දුරකථනයෙන් ගීත ඇසීම වැනි ක්‍රියාවක නිරත විය හැක. ළමුන් වැඩිහිටියන්ගෙන් මෙන්ම වැඩිහිටියන් ළමුන්ගෙන් ඈත් කර තැබීමට ද ජනමාධ්‍ය මූලික වෙයි.