පැරණි ක්රමයන්ට වඩා ඉතා වේගවත් ලෙස තොරතුරු අවශ්යතාවය ඉටු කර ගැනීමට නව මාධ්ය මගින් හැකියාව ලැබී තිබේ. මාර්ෂල් මැක්ලූහන් විසින් ලොවට ඉදිරිපත් කළ විශ්ව ගම්මාන සංකල්පය වැනි ගෝලීය තත්ත්වයන් කරා සන්නිවේදනය මෙහෙය වීමට නව මාධ්ය සමත්ව ඇත.
නව මාධ්ය සතුව සුවිශේෂී ලක්ෂණ කිහිපයක් හදුනාගත හැකි ය.
• අධිවේගීත්වය
• අන්තර්කි්රයාකාරීත්වය
• අභිසාරිතාවය
• ආංකිතකරණය
• තාත්විකභාවය
සන්නිවේදන අධ්යයන ක්ෂේත්රයට අළුතින් එක් වන සංකල්පය ලෙස ‘අභිසාරිතාව’ යන්න දැක්විය හැකි ය. මෙයින් අදහස් වන්නේ ‘එකට හමුවීම’ යන්නයි. ”මාධ්ය අභිසාරීතාවය යනු තොරතුරු ඒකරාශී කිරීම හා බෙදා හැරීම සදහා විවිධ උපකරණ හා මෙවලම් ඒකරාශී විමයි. යනුවෙන් හෙන්රි ජෙන්කින්ස් පවසයි.
සඟරා, පුවත්පත්, පොත්, ගුවන්විදුලිය, රූපවාහිනිය, සිනමාව, ජංගම දුරකථනය, අන්තර්ජාලය ආදි වූ මාධ්ය බිහි වූයේ වෙන් වෙන් වශයෙනි. ඒ එක් එක් මාධ්යයට ස්වකීය අනන්යතාවක් ද තිබිණි. එහෙත් ටික කාලයක දී සියලු මාධ්යයන්ට තේරුම් ගියේ තනි ව ක්රියා කරන්නට නොහැකි බවයි. එනම් ජනයා විසින් සියලු මාධ්ය පරිහරණය කරනු ලබන නිසා, මාධ්ය එක්වීමක අවශ්යතාව පැන නැගුණි. මෙහි දී ප්රමුඛ වන්නේ අන්තර්ජාලය භාවිතයට පැමිණීමයි. අන්තර්ජාලය නිසා සියලු මාධ්ය එක්රැස් වීමක් සිදු විය. අන්තර්ජාලය මගින් පුවත්පත් කියවන්නට, ගුවන්විදුලියට සවන් දෙන්නට, රූපවාහිනිය නරඹන්නට, සිනමා පට නරඹන්නට හැකි ය. පොත් කියවන්නට හා දුරකථනයෙන් කථා කරන්නට හැකි ය. මෙහි දී සිදු වී ඇත්තේ සියලු මාධ්ය එක්වීමකි.
Wadagath thorathuru godak ❤️
ReplyDelete♥️🫰🏻
ReplyDelete