අන්තර්වතී පුද්ගල සන්නිවේදනය

 

සමස්ත සන්නිවේදනයේ මූලාරම්භය අන්තර්වතී පුද්ගල සන්නිවේදනයයි. සෑම පුද්ගලයකු ම තම මනස හා සම්බන්ධ  වෙමින් සිදු කරනු ලබන සන්නිවේදනය මෙයට අයත් ය. අපගේ පංච ඉන්ද්‍රියයන් වන ඇස, කන, නාසය, දිව, සම යන  ඉන්ද්‍රියයනට දැනෙන රූප, ශබ්ද, ගන්ධ, රස, ස්පර්ශ යන උත්තේජනයන්ට ප්‍රතික්‍රියා දැක්වීම මෙහි දී සිදු වේ.

■ පුද්ගල මනෝභාවයන්, පෞද්ගලික අත්දැකීම්, පෞද්ගලික අවශ්‍යතා හා සංකල්ප තමන් විසින් ම තමන් තුළ  විමර්ශනයට ලක් කිරීම මෙහි දී සිදු වේ. තමන් තු ළ ම සිදු වන සන්නිවේදනය නිසා ස්වයං සන්නිවේදනය ලෙසත් එක්  පුද්ගලයකු තුළ පමණක් සිදු වන නිසා ඒකපුද්ගල සන්නිවේදනය ලෙසත් හැඳින්වේ.

■ විවිධාකාර මූලාශ්‍රයයන් හරහා අප වෙත ලැබෙන්නා වූ තොරතුරු රැස් කිරීම, ඒවා මතකයේ තැන්පත් කර ගැනීම,  නිවැරදි ලෙස ග්‍රහණය කර ගැනීම ආදිය සිදු වන්නේ අන්තර්වර්ත ීපුද්ගල සන්නිවේදනය පදනම් කර ගනිමිනි. මෙහි දී  පුද්ගලයාට ස්වයං සංවාදවල යෙදීමටත් ඒ අනුව තීරණ ගැනීමටත් සිදු වේ.  එය ස්ව සංකල්ප  (Self Concept) නම්  වේ.

මෙය පුද්ගලයා තුළම සිදුවන සන්නිවේදන ක්‍රියාවලියකි. මෙම සන්නිවේදන වර්ගය තුල තීරණ ගැනීමට ප්‍රමුඛත්වයක් හිමිවේ. සෑම තැනැත්තෙකුම කුඩාකළ සිට පන්චෙන්ද්‍රියෙන් තොරතුරු එක් රැස් කර ගනී. එම තොරතුරු වලින් බොහොමයක් ඔහුගේ යටි සිතේ තැන්පත් වේ. අන්තර්වර්ති පුද්ගල සන්නිවේදනයේ තීරණ ගැනීමේදී එලෙස තමා රැස් කල තොරතුරු පුද්ගලයා යොදා ගනී. ඉතා හොද තොරතුරු රැස් කරගෙන ඇති පුද්ගලයෙකු වඩා ගුණාත්මක තීරණ ගැනීම කරයි. ඇතම් චිත්තවේග නිසා අන්තර්වර්ති පුද්ගල සන්නිවේදනය නිසි ලෙස ක්‍රියාත්මක නොවන අතර පුද්ගලයෙකුට තම චිත්තවේග පාලනය කරගැනීමට ඇති හැකියාව මෙම සන්නිවේදනයේ ගුණාත්මක බව ඉහල නංවයි.

අන්තර්වර්තී පුද්ගල සන්නිවේදනයේ ලක්ෂණ 

1. තම සිත අභ්‍යන්තරයේ සිදු වන සන්නිවේදනයක් බැවින් බහු පුද්ගල සබඳතාවක් දක්නට නොලැබීම 

2. සිත හෙවත් මනස ප්‍රමුඛ ව සිදු වීම 

3. පුද්ගල මතකය හා සම්බන්ධ වීම 

4. සංජානනයන් අර්ථකථනය කර ගැනීමට හැකි වීම 

5. පංච ඉන්ද්‍රියයන්ට දැනෙන උත්තේජන මත ප්‍රතිචාර දැක්වීම 

6. තීරණ ගැනීමට ඉවහල් වීම 

7. ස්ව සංකල්ප පෝෂණය

8. ආත්ම භාෂණ ක්‍රියාවලියක් වීම 

9. ප්‍රතිචාර/ප්‍රතිපෝෂණයන් නිරායාසයෙන් සිදු වීම

10. බාහිර ව නිශ්චිත ව නිරීක්ෂණය කළ නොහැකි වුවත් චර්යා හා ඉරියවු අනුව ඇතැම් අවස්ථාවලදී තීරණ ගත හැකි  වීම

අන්තර්වර්තී පුද්ගල සන්නිවේදනයේ ප්‍රයෝජන:

1. පෞරුෂ වර්ධනයට 

පුද්ගලයකුගේ බාහිර පෞරුෂයට වඩා මනසෙහි ඇති ශක්තිමත් භාවය පෞරුෂ වර්ධනයට උපකාරී වෙයි .මානසික ශක්තිමත් භාවය  වර්ධනය කර ගැනීම සඳහා පුද්ගලයෙකුට පුද්ගලයකුට යහපත් අන්තර් අන්තර්වර්ති සංනිවේදනයක් අත්‍යවශ්‍ය වේ.  කරුණු නිසි ලෙස තෝරා බේරා ගැනීම, නිසි කලට වේලාවට තීරණ ගැනීම යහපත් පෞරුෂත්වක  ලක්ෂණ වේ. මේ නිසා අන්තර්වර්ති සන්නිවේදනය යහපත්ව සිදුවීම පුද්ගලයකුගේ පෞරුෂ වර්ධනය කෙරෙහි බෙහෙවින් බලපායි.

2. ස්ව සංකල්ප පෝෂණයට 

පුද්ගලයෙකුගේ ස්ව සංකල්පය යනුවෙන් අදහස් කරන්නේ බාහිර සමාජය තමන් වෙත දක්වන ප්‍රතිචාර මත තමන් පිළිබඳව ඇතිවන හැඟීමයි .මෙම ස්වසංකල්පය සිදුවන්නේ අන්තර්වර්ති පුද්ගල සන්නිවේදනය මඟිනි .යම් පුද්ගලයෙකුගේ හැකියාව මත, බාහිර ස්වරූපය මත හා  සමාජ පිලිගැනීම මත ස්ව සංකල්පය බිහි වේ. මෙලෙස මොන යම් ආකාරයකින් ස්ව සංකල්පය ගොඩ නැගුණ ද එය පෝෂණය වන්නේ අන්තර්වර්ති පුද්ගල සන්නිවේදනය තුළ ය .මේ නිසා ස්ව සංකල්ප පෝෂණය අන්තර්වර්ති පුද්ගල සන්නිවේදනයේ  ප්‍රයෝජනයක් ලෙස විය හැකිය

3. චින්තනය ගොඩ නංවා ගැනීමට 

සමාජයේ වෙසෙන සෑම පුද්ගලයෙකුට ම පාහේ තමාටම අනන්‍ය වූ ස්වාධීන චින්තනයක් තිබේ. මෙම චින්තනය ගොඩනැඟෙන්නේ පුද්ගල මනස තුළ ය.  එදිනෙදා සමාජයේ අප ලබාගන්නා තොරතුරු ඇසුරින් පුද්ගලයා සිය චින්තනය සකසා ගනී .මෙය සම්පූර්ණයෙන්ම සිදුවන්නේය අන්තර්වර්ති පුද්ගල සන්නිවේදනය මඟිනි .මේ නිසා අන්තර්වර්ති පුද්ගල සන්නිවේදනයේ  ප්‍රයෝජනයක් ලෙස සිත්තම ගොඩනඟාගැනීමට උපකාරී වීම දැක්විය හැකිය .

4.මතක තබා ගැනීමට 

 අන්තර්වර්ති පුද්ගල සන්නිවේදන තවත් ප්‍රයෝජනයක් ලෙස මෙම මතක තබා ගැනීම දැක්විය හැකිය. ඇස ඇස කන නාසය දිව ශරීරය යන පංචේන්ද්‍රියන්ගෙන් අප ලබාගන්නා තොරතුරු මතක තබා තබා ගන්නේ  අන්තර්වර්ති පුද්ගල සන්නිවේදනය මඟිනි.මෙහිදී  මතක තබා ගැනීමට අවශ්‍ය තොරතුරු වෙන් කර ගැනීම අනවශ්‍ය තොරතුරු ඉවත් කිරීම යනාදිය අන්තර්වර්ති පුද්ගල සන්නිවේදනය මඟින් ස්වයංක්‍රියව සිදු වේ

5. තීරණ ගැනීමට 

පුද්ගලයෙකුගේ තීරණ ගැනීමේ ක්‍රියාවලිය සඳහා සෘජුවම බලපාන්නේ අන්තර්වර්ති පුද්ගල සන්නිවේදනය යි .බොහෝවිට පංච ඉන්ද්‍රියන්ගෙන් අප වෙත ලැබෙන තොරතුරු අනුව අපගේ මනස තුළ තැන්පත්ව ඇති තොරතුරු ගලපමින් අප විසින් තීරණ ගැනීම සිදු කරයි .මෙයට මූලික වන්නේය අන්තර්වර්ති පුද්ගල සන්නිවේදනය යි .අන්තර්වර්ති පුද්ගල සන්නිවේදනය යහපත් අවස්ථාවල මෙවර දි තීරණ ගැනීමට නිවැරදි ලෙස තීරණ ගැනීමට හැකි වන අතර අන්තර්වර්ති පුද්ගල සන්නිවේදනය අයහපත් අවස්ථාවල ගන්නා තීරණ සාර්ථක නොවීමට ද ඉඩ තිබේ .

6. විචාරශීලීත්වය වර්දනය කර ගැනීමට

පුද්ගලයෙකුගේ විචාරශීලීත්වය කෙරෙහි සෘජුවම බලපාන්නේ ඔහු සතුව පවතින දැනුමයි.  යම් කරුණක් සම්බන්ධයෙන් විචාරශීලීව විමසා බැලීමට පුද්ගලයෙකු මෙම දැනුම යොදා ගනී. අන්තර්වර්ති පුද්ගල සන්නිවේදනය යහපත් ආකාරයට ක්‍රියාත්මක වන්නේ නම් පුද්ගලයෙකුගේ විචාරශීලීත්වය වර්ධනය වේ. මේ නිසා අන්තර්වර්ති පුද්ගල සන්නිවේදනය ප්‍රයෝජනයක් ලෙස විචාරශීලීත්වය වර්ධනය කරගැනීම දැක්විය හැකිය.

7. නිර්මාණශීලීත්වය ඔප් නංවා ගැනීමට 

පුද්ගලයෙකුගේ නිර්මාණශීලිත්වය බිහිවන්නේ අන්තර්වර්ති පුද්ගල සන්නිවේදනය මඟිනි .ඕනෑම කලා නිර්මාණයක් මූලික වශයෙන් නිර්මාණය වන්නේ නිර්මාණකරුගේ මනස තුළය මෙහිදී සිදුවන්නේ  අන්තර්වර්ති පුද්ගල සන්නිවේදනයකි. නිර්මාණකරු සිය මනස සමග සංවාද කොට තම නිර්මාණයට අවශ්‍ය ප්‍රස්තුතය ගොඩනඟා ගනියි මේ නිසා අන්තර්වර්ති පුද්ගල සන්නිවේදනය ප්‍රයෝජනයක් ලෙස නිර්මාණශීලීත්වය ඔප්නංවා ගැනීමට හැකිවීම දැක්විය හැකිය.