ජනප්‍රිය සංස්කෘතිය

 ජනප්‍රිය සංස්කෘතිය හැදින්වීම.

ජනප්‍රිය සංස්කෘතිය බිහිවීම ජනමාධ්‍ය ක්‍රියාවලියේ ප්‍රතිපලයකි. වර්තමානය වන විට ජනමාධ්‍ය කටයුතු කරනු ලබන්නේ අන්තර්ජාතික මට්ටමිනි. එසේ ම මූලික වශයෙන් ජනමාධ්‍ය අත්පත් කරගෙන සිටින්නේ  බටහිර රටවල්‍ ය.

ජනප්‍රිය සංස්කෘතියේ ලක්ෂණ

1)සෑම සමාජ පන්තියක් ම ආකර්ෂණය කර ගනී.

2)වාණිජත්වය මත රදා පවතී.

3)ජනමාධ්‍ය මත වය්‍යාප්ත වේ.

4)කල්පවත්නා ස්වාභයක් නොමැති වීම.

5)සෑම විටම කාලීන තත්ත්වයක් මත ගොඩනැගීම.

6)මහා පරිමාණ ලෙස නිෂ්පාදන හා බෙදා හැරීමක් පැවතීම.

7)වෙළෙඳපොල අවශ්‍යතා මත බිහි කරයි.

8)නප්‍රිය සංස්කෘතිය  අතිශය සරල වේ.

9)ජනප්‍රිය සංස්කෘතිය මිනිසුන් රවටන සුලුය.

10)ජනප්‍රිය සංස්කෘතිය නිර්මාණය කිරීම සදහා ග්‍රාහක අවශ්‍යතා සැලකිල්ලට භාජනය කෙරේ.

11)ජනප්‍රිය සංස්කෘතිය තුළ ඇත්තේ නිර්මාණ නොව නිෂ්පාදනයන් ය.

12)ජනප්‍රිය සංස්කෘතිය එකිනෙකට වෙනස් වේ.

සංස්කෘතියේ ඇති ඕනෑම අංගයක් ජනප්‍රිය සංස්කෘතියේ අංග බවට පත් වේ.මාධ්‍යකරුවන්ගේ අවශ්‍යතාවය මත ජනප්‍රිය සංස්කෘතියට නව අංග එක් කර ගනී. පාරිභෝගික අවශ්‍යතා මත ද මෙම අංග ජනප්‍රිය සංස්කෘතියට එකතු වී ඇත. පරිභෝජනයට අවශ්‍ය අංගෝපාංග මෙන් ම සංස්කෘතික චර්යාවන් ද සමාජ චර්යාවන් ද ආගම දහම ද ජනප්‍රිය සංස්කෘතියේ අංග බවට පත් වේ.

ජනප්‍රිය සංස්කෘතියේ අංග

ආහාර පාන

ඇදුම් පැළදුම්

යාන වාහන

සංගීතය

අදහස්

ගෘහ භාණ්ඩ

අධ්‍යාපනය

නිවාස

දේශපාලනය

ටෙලි නාට්‍ය   ආදිය මීට අයත් වේ.

මෙහිදී තිබෙන සුවිශේෂීත්වය නම් මාධ්‍ය වෙළෙඳපොල විසින් ගෘහයට රැගෙන එන ජනප්‍රිය සංස්කෘතිකාංග පාරිභෝගිකයා කැමැත්තෙන් ම භාරගෙන සමාජ ගත කරයි.

ජනප්‍රිය සංස්කෘතියේ බලපෑම

1)ජනප්‍රිය සංස්කෘතිය සමාජයේ සමස්ත සංස්කෘතික චර්යාවට මෙන් ම මානව චර්යාවට ද බලපෑම් කරයි.

2)පාරිභෝගිකයා තමාට දරා ගත නොහැකි නොගැළපෙන පාරිභෝගික රටාවන්ට යොමු වේ.

3)මිනිසා සමාජය තුළ ණයකරුවන් බවට පත් වේ.       එය මානව සමාජයේ ආර්ථිකය කෙරෙහි සෘජු   බලපෑමක් ඇති කරයි.

4)මිනිසාගේ ප්‍රමුඛ අවශ්‍යතාවයන් යටපත් වී ගොස් විල්‍යාජ අපේක්ෂාවන් ඉස්මතු වේ.

මේ අනුව ජනප්‍රිය සංස්කෘතිය යන්න සරලව වටහා ගත හැකි වේ.