සන්නිවේදකයා

 සන්නිවේදකයා යනු සංදේශයක් ඉදිරිපත් කරනු ලබන පුද්ගලයා ය. පුළුල් අර්ථයෙන් සලකා බලන විට සන්නිවේදකයා යනු පුද්ගලයකු පමණක් නොව විවිධ ආයතනයන්ද විය හැකිය. ජනමාධ්‍ය ආයතනයන් වන පුවත්පත් ආයතන, ගුවන්විතුලි ආයතන, රූපවාහිනී ආයතන සන්නිවේදක තත්ත්වයෙහිලා සැලකිය හැකිය. සමාජයේ සෑම තරාතිරකම පුද්ගලයෙකුට සන්නිවේදකයෙකු වීමේ ශක්තිය තිබේ. එසේ වුවත් ජනමාධ්‍යයෙහි නියුක්ත ජන සන්නිවේදකයන්ගේ විශේෂ ගුණාංග පවතී. එක් අතකින් සලකා බලන විට ජන සන්නිවේදකයෙකු වීමට පුද්ගලයකු සතු චින්තන දෘෂ්ටමය හා නිර්මාණාත්මක ශක්තිය බලපානු ඇත. නිදසුනක් ලෙස හොඳ ගුරුවරයා තමාගේ විෂය ගැනත් ඒ ඉගැන්විය යුතු ක්‍රමය ගැනත් දනී. තොරතුරු ලබාගැනීමේදී ඔහුට දැනුමත් පලපුරුද්දක් බෙහෙවින් අවශ්‍ය වේ.

භාෂාව පිළිබඳ ඇති දැනුමැද මෙහි උපකාරී වේ. සන්නිවේදකයාට ද මෙම කරුණු එක සේ බලපානු ඇත. සන්නිවේදකයෙකුට තම සංදේශය සකස්කර ගැනීමේ දී ගැනීමේදී විවිධ තොරතුරු මූලාශ්‍ර උපයෝගී කරගැනීමට සිදුවේ. එම මූලාශ්‍රවල ඇති තොරතුරු හා ඒ අයුරින්ම ග්‍රාහකයාගේ අවබෝධය සඳහා යොමු කළ හැකි පුද්ගලයා හොඳ සන්නිවේදකයෙක් ලෙස සලකනු ලබයි. එයින් අදහස් කරන්නේ සත්‍ය තොරතුරු ඉදිරිපත් කිරීමය.

යම් විෂයයක් පිළිබඳ ප්‍රවීණත්වයක් ඇති උගතෙකු ජනමාධ්‍යයකින් කරුණු පැහැදිලි කරන විට ඉතාමත් දීර්ඝ වශයෙන් හෝ ගැඹුරු වශයෙන් හෝ කරුණු ඉදිරිපත් කිරීමට පුළුවන. එබදු අවස්ථාවලදී සන්නිවේදකයාගේ කාර්යය වන්නේ තම ග්‍රාහක පිරිසට අවශ්‍ය වන වැදගත් විෂය කරුණු එම ප්‍රවීණයාගෙන් ලබා ගැනීමයි. මේ සඳහා සන්නිවේදකයාට විශේෂ දැනුමත් මාධ්‍ය පිළිබඳ දැනුමත් අවශ්‍ය කරුණු මතු කර ගැනීමේ විචක්ෂණ බුද්ධිය තිබිය යුතුය. එම නිසා සන්නිවේදකයාට මනෝවිද්‍යාත්මක දැනුමත් ප්‍රායෝගික පුහුණුවක් අවශ්‍ය කෙරෙයි. මෙය ඒ ඒ මාධ්‍යයේ අනුව වෙනස් විය හැකිය.

තම ග්‍රාහක පිරිස ගැන අවබෝධයක් සන්නිවේදකයාට අවශ්‍ය වේ. සමහර අවස්ථාවල ග්‍රාහක පිරිසකගේ ස්වභාවය අනුව සන්නිවේදකයාගේ ආකල්ප ප්‍රතිචාරවල වෙනසක් ඇතිවිය හැකිය. උදාහරණයක් ලෙස ගොවි පිරිසකට හා විශ්ව විද්‍යාල ශිෂ්‍ය පිරිසකට යොමු කරනු ලබන සන්දේශයන්හි ආකෘතිය හා අන්තර්ගතය වෙනස් ලක්ෂණවලින් යුක්ත වේ. මෙහිදී සන්නිවේදකයෙකුට තමන්ගෙම අසා ගත හැකි ප්‍රශ්න කිහිපයක් ඇත.

1) තමාගේ ග්‍රාහක පිරිස පිරිසක් කොතරම් විශාල වූවක්ද? තමාගේ ජන කණ්ඩායමේ ස්වභාවය කෙසේද? 

2) තමන්ගේ සංදේශය සකස් කර ගත යුත්තේ කෙසේද?

3) කෙබඳු කාලයක් තුළදී තම සන්දේශය ග්‍රාකයන්ට ලබා දිය යුතුද?

4) තමාගේ සන්නිවේදන ශක්තිය කෙබඳු එකක්ද?

5) තම ග්‍රාහක කණ්ඩායමේ සන්නිවේදන චර්යයක් එබඳු එකක්ද යන්න සොයා බැලීම

මේ අනුව බලන විට සන්නිවේදකයා යන විශාල වගකීමක් හා පුළුල් ක්ෂේත්‍රයක දැනුමක් ඇති පුද්ගලයකු බව පෙනේ. ඔහු තුළ කාරුණිකත්වය, හිතෛශීභාවය,සිත්ගන්නා සුළු බව,සාධාරණත්වය වැනි ගුණාංග තිබිය යුතුය. එසේම ජනතාවගේ විශ්වසනීයත්වය දිනා ගැනීමත් ඔහු සතු විශේෂ ගුණයකි. සන්නිවේදකයා ජනතාවගේ විඤ්ඤාණය පෝෂණය කරනු ලබන පුද්ගලයකු නිසා නිවැරදි දෘෂ්ටිමේ ලක්ෂණයන්ගෙන් ද ඔහු පෝෂණය විය යුතුය. තමා විසින් කරනු ලබන්නේ ජනතා මෙහෙවරක් බව සන්නිවේදකයා  නිරන්තරයෙන්ම අවබෝධ කරගත යුතුය.